Kigali
27 April, 2026
Kutanywa amazi bituma amaraso atwara oxygen n’intungamubiri ku buryo budahagije, bigatuma umuntu yumva ananiwe vuba kandi atagira imbaraga zo gukora imirimo ye ya buri munsi.
1. Kubabara umutwe kenshi
Kubura amazi mu mubiri ni imwe mu mpamvu zikunze gutera umutwe kubabara. Iyo ubwonko bubuze amazi ahagije, bushobora kugabanuka gato mu bunini, bigatera uburibwe bw’umutwe.
2. Guhura n’indwara z’Impyiko
Amazi afasha impyiko gukora neza no gukuramo imyanda mu mubiri. Iyo umuntu atanywa amazi ahagije, bishobora kumutera:
- Gukora nabi kw'impyiko
- Indwara z’impyiko
- Kubabara mu mugongo wo hasi
3. Gukomera kw’Inkari no kurwara Infections
Kutanywa amazi bituma inkari ziba nke kandi zikagira umunuko ukomeye, bigatuma habaho ibyago byinshi byo kurwara indwara zifata mu miyoboro y’inkari.
4. Gukomera mu Mara (constipation)
Amazi afasha igogorwa ry’ibiryo kugenda neza. Iyo amazi ari make mu mubiri, ibiryo bigenda buhoro mu mara, bigatuma umuntu agira ikibazo cyo kwituma bikomeye cyangwa bikagorana.
5. Gukanyarara kw'Uruhu no gusaza vuba
Amazi atuma uruhu rugumana ubwiza n’ubworoherane. Iyo umuntu atanywa amazi ahagije:
- Uruhu ruruma
- Rukazamo iminkanyari vuba
- Rukabura itoto ,bityo ibyo bigatuma usaza vuba kumaso
6. Kugabanuka kw’imikorere y’Ubwonko
Kubura amazi bishobora gutuma umuntu agira:
- Kwibagirwa vuba
- Kudatekereza neza
- Kugabanuka kw’ubushobozi bwo gufata ibyemezo
Ibi bishobora kugira ingaruka zikomeye ku banyeshuri ndetse n’abakora imirimo isaba gutekereza cyane.
Ni Amazi angana ate twakita meza ku mubiri w'umuntu?
Abahanga mu buzima bagaragaza ko umuntu akwiye kunywa nibura litiro 1.5 kugeza kuri 2 z’amazi ku munsi, nubwo bishobora guhinduka bitewe n’ibi bikurikira:
- Imyaka y’umuntu
- Imirimo akora
- Ikirere arimo
- Uko umubiri we umeze,
Abantu bakora imirimo ivunanye cyangwa baba mu bushyuhe bwinshi bakenera kunywa amazi menshi kurushaho.
Ni iki cyakubwirako umubiri wawe ukeneye amazi
Hari ibimenyetso bishobora kukwereka ko umubiri wawe ukeneye amazi, birimo:
- kugira Inkari zifite ibara ryijimye
- Kumva umunaniro udasanzwe
- Kumva iminwa yumye
- Kubabara umutwe
Iyo ubonye ibi bimenyetso, ni ingenzi kongera kunywa amazi vuba.
ikindi kandi abahanga muby'ubuzima bavugako amazi afite uruhare runini mumikorere y'ubwonko bwacu, bityo rero ko ari
byiza kumenyera kunywa amazi kenshi gashoboka kuko yunganira ubwonko mumikorere yabwo.
Izindi nkuru wasoma
May 28, 2026
Menya indwara ushobora kwandura igihe wogosha umus...
Abahanga mu buzima baraburira ko ibikoresho byo kogosha bidasukuye neza bishobora gukwirakwiza indwa...
SOMA
May 27, 2026
Ubushakashatsi bwagaragaje akamaro ka ‘Appendice’...
Ubushakashatsi bushya bwakozwe n’abahanga bo mu Bufaransa bugaragaza ko appendice atari urugingo rud...
SOMAIziheruka
-
Ibimenyetso by'ingaruka mbi ku mibereho...
Imibereho , 28 May, 2026 -
Menya indwara ushobora kwandura igihe wo...
Ubuzima , 28 May, 2026 -
Ubushakashatsi bwagaragaje akamaro ka ‘A...
Ubuzima , 27 May, 2026
Ibitekerezo
Nta gitekerezo kiratangwa kuri iyi nyandiko. ba uwambere gutanga igitekerezo!
Tanga igitekerezo