Tekereza isi itarimo Christianity, Islam, Hinduism, Buddhism cyangwa Judaism.

Abantu ba kera bemeraga iki?

Iyo inkuba yakubitaga, imvura ikagwa, cyangwa umuntu yapfaga, babisobanuraga bate?

Mbere y’uko habaho amadini afite amazina n’ibitabo, abantu bari bafite imyemerere yabo. Bubahiraga abakurambere, bakagira imihango, bakagira imyizerere ku bidukikije ndetse n’ubuzima nyuma y’urupfu.

Nta dini rimwe dushobora kuvuga ngo ni ryo ryabaye irya mbere ku isi, kuko imyemerere ya mbere cyane itari ifite ibitabo cyangwa amazina nk’amadini tuzi uyu munsi.

Uko imyaka yagiye ishira, ni bwo havutse imigenzo itandukanye y’amadini.

1. HINDUISM

Hinduism yatangiriye mu Buhinde kandi nta muntu umwe wayishinze. Ni imigenzo yagiye ikura mu gihe kirekire cyane.

Mu nyandiko zayo harimo “Vedas, Upanishads na Bhagavad Gita”.

Umwihariko wayo ukomeye ni ibitekerezo nka “karma, dharma na samsara”, aho ubuzima bufatwa nk’urugendo rwo kuvuka no kongera kuvuka ndetse izwiho kuba igira ibigirwamana bynshi.

Mu mibare ya 2026, Hinduism ifite hafi miliyari 1.15 z’abayoboke.

2. JUDAISM

Judaism ni imwe mu traditions za kera z’ukwemera Imana imwe.

Amateka yayo afitanye isano n’abantu nka “Abraham na Moses”, naho “Torah” ni inyandiko y’ingenzi cyane muri iri dini.

Umwihariko wayo ni uko idini, amateka n’umwirondoro w’Abayahudi bifitanye isano ikomeye.

Uyu munsi, Judaism ifite hafi miliyoni 16 z’abayoboke.

3. CHRISTIANITY

Christianity yatangiriye mu kinyejana cya mbere, ishingiye ku buzima n’inyigisho bya Yesu Kristo.

Igitabo cyayo ni “Bible”, igizwe na “Old Testament na New Testament”.

Christianity yagiye ikwira ku migabane itandukanye, nyuma igira amashami akomeye nka Catholic, Orthodox na Protestant.

Mu mibare ya 2026, ifite hafi miliyari 2.67 z’abayoboke.

Umwihariko wayo ukomeye ni inyigisho za Yesu n’igitekerezo cy’agakiza gashingiye kuri we.

4. ISLAM

Islam yatangiriye muri Arabia mu kinyejana cya 7, binyuze ku butumwa bwa “Muhammad (Amahoro n’imigisha bimusakareho)”.

Igitabo cyayo ni “Qur’an”.

Qur’an ikaba itangaje kuburyo itigeze ihinduka ntakintu cyakuwemo cyangwa ngo cyongerwemo iracyafite umwimerere wayo mugihe ibindi bitabo usanga hari ibyakuwe mo cyangwa bikongerwamo kandi umu islam nyawe aba ashishikarijwe kuyifata mu mutwe.

Hari n’inyandiko za Qur’an za kera cyane, harimo Birmingham manuscript, parchment yayo ikaba yarashyizwe hagati ya 568 na 645.

Mu 2026, Islam ifite hafi miliyari 2.1 z’abayoboke.

Umwihariko ukomeye wa Islam ni Tawhid, ukwemera Imana imwe, ndetse n’umwanya udasanzwe Qur’an ifite mu myemerere y’Abayisilamu ndetse ikaba igiye ifite imico myinshi ihuriyo nandi madini atandukanye biyigira idini itangaje cyane.

5. BUDDHISM

Buddhism yatangijwe n’inyigisho za Siddhartha Gautama, uzwi nka Buddha.

Ikibazo gikomeye yari ashaka gusubiza cyari:

“Kuki umuntu ababara?”

Inyigisho ze zirimo Four Noble Truths na Eightfold Path.

Umwihariko wa Buddhism ni ugushaka gusobanukirwa imibabaro, imitekerereze y’umuntu n’inzira yo kuyirenga.

Mu 2026, ifite hafi miliyoni 536 z’abayoboke muri estimate ya World Christian Database.

6. SIKHISM 

Sikhism yatangiriye muri Punjab mu kinyejana cya 15, ikaba ifitanye isano cyane na Guru Nanak.

Yigisha Imana imwe, uburinganire bw’abantu, gukora neza no gufasha abandi.

Igitabo cyayo ni Guru Granth Sahib, gifite umwanya udasanzwe kuko gifatwa nk’umuyobozi w’iteka w’Abasikh.

Ifite hafi miliyoni 31 z’abayoboke.

7. JAINISM

Jainism na yo yatangiriye mu Buhinde, kandi Mahavira ni umuntu w’ingenzi cyane mu mateka yayo.

Umwihariko wayo ukomeye ni Ahimsa, igitekerezo cyo kutagira ubuzima ubabaza.

Ni tradition yashyize imbere cyane kubaha no kurinda ibinyabuzima.

8. IMYEMERERE GAKONDO

Mbere y’amadini menshi tuzi uyu munsi, abantu bo muri Africa, Asia, Americas n’ahandi bari bafite imyemerere yabo.

Akenshi nta gitabo kimwe cyangwa founder umwe byabaga bihari.

Imyemerere yabaga ibitswe mu muco, migani, mihango n’inyigisho z’abakuru.

Umwihariko wayo ni uko idini n’umuco byashoboraga kuba ikintu kimwe.

9. ATHEISTS N’ABATAGIRA IDINI

Hari n’abantu bavuga bati:

“Njye nta dini mfite.”

Ariko kutagira idini ntibivuze ko umuntu wese ari atheist.

Atheist ni umuntu utizera Imana cyangwa ibigirwamana.

Agnostic we ashobora kuvuga ko atazi cyangwa ko atabona ko bishoboka kumenya neza niba Imana ibaho.

Mu mibare ya 2026 ya World Christian Database, hari hafi miliyoni 147 atheists, miliyoni 765 agnostics, n’abagera kuri miliyoni 912 bashyirwa mu cyiciro cy’abatari affiliated/nonreligionists.

Iyo turebye amateka y’aya madini yose, tubona ko abantu bamaze imyaka ibihumbi bibaza ibibazo bimwe:

Twatangiye dute?

Kuki turiho?

Tugomba kubaho dute?

Bigenda bite iyo dupfuye?

Abantu batandukanye batanze ibisubizo bitandukanye.

Hari ababibonye muri Imana, abandi muri Buddha n’inyigisho ze, abandi mu migenzo gakondo, abandi bavuga ko nta Mana bemera, naho abandi bakavuga ko batabizi.

Ariko ikintu kimwe gihuriye kuri bo ni iki:

Umuntu ntiyigeze areka gushaka ibisobanuro by’ubuzima.

Kandi wenda, ni yo mpamvu amateka y’amadini atari amateka y’amadini gusa.

Ni amateka y’umuntu washakaga kumenya impamvu ariho.